Деловните субјекти во 2024 оствариле промет од 2 166 милијарди денари

Според најновите податоци на Државниот завод за статистика, деловните субјекти во 2024 година оствариле вкупен промет од 2 166 693 милиони денари и генерирале бруто-додадена вредност од 497 031 милион денари. 

Во 2024 година во рамките на структурните деловни статистики биле анализирани 69 089 пазарноориентирани деловни субјекти во кои биле вработени 434 645 лица.

Најголем промет од 40.3 % реализирале деловните субјекти од секторот Трговија на големо и на мало и Преработувачката индустрија од 24.2 %. 

Најголемо учество во вкупната додадена вредност има Преработувачката индустрија со 25.4%, а потоа следат Трговијата на големо и на мало со 21.1 %, Градежништвото со 10.9 % и Информациите и комуникациите со 9.0 %.