Комисијата за хартии од вредност на Република Македонија на 29-тата седница со која претседаваше Претседателот на КХВ М-р Елизабета Чингаровска, а што се одржа денеска на 6 декември, 2013 година даде согласност Горан Марковски и Андреј Пулејков да бидат именувани за извршни членови на Одборот на директори на Друштвото за управување со инвестициски фондови “КБ Публикум Инвест”АД Скопје.
Горан Марковски ќе ја врши функцијата Главен извршен директор на “КБ Публикум Инвест” АД Скопје, а Андреј Пулејков ќе биде извршен директор. И двајцата директори и досега раководеа со друштвото.
Инаку, Друштвото за управување со инвестициски фондови “КБ Публикум Инвест” АД Скопје управува со три отворени инвестициски фондови и тоа: КБ Публикум – Балансиран, КБ Публикум – Паричен и КБ Публикум-Обврзници.
