Грчките даночни власти го привлекуваат вниманието кон зголемената даночна нерегуларност во одредени професионални сектори, активности и компании во кои се забележани големи даночни затајувања.
Вооружени со вештачка интелигенција, дигитални бази на податоци и анализа на голема количина информации, контролниот механизам ги засилува целните проверки во секторите со висок ризик, давајќи приоритет на професиите и бизнисите кои покажуваат високи стапки на нерегуларности на долг рок, објавува порталот „Катимерини“.
Според податоците на Независната администрација за јавни приходи (AADE), стапката на откриени нерегуларности во даночните контроли во 2025 година изнесувала 29,7 проценти, што е зголемување од 2,6 процентни поени во споредба со 2024 година.
Во угостителскиот сектор минатата година, 7.474 сопственици на ресторани пријавиле просечен бруто приход од 140.575 евра и просечна нето добивка од 8.553 евра, или 713 евра месечно.
Од вкупниот број сопственици на кафулиња, околу 4.993 пријавиле просечен бруто приход од 77.989 евра и просечна нето добивка од 5.947 евра, што значи дека нето добивката е само осум проценти од прометот.
