Постои утрински пијалок кој може да ја зголеми енергијата, а воедно да го поддржи поздравото стареење. Може да се пие топол или ладен, а нутриционистите сè повеќе го истакнуваат како подобар избор од многу други утрински пијалоци. Тоа е мача, пишува EatingWell.
Како мачата помага во здравото стареење
Како и зелениот чај, мачата е богата со епигалокатехин-3-галат (EGCG), моќен антиоксиданс кој може да помогне во намалувањето на воспалението и оксидативниот стрес. „Како што старееме, нашите тела се изложени на повеќе оксидативен стрес, што може да придонесе за клеточно стареење и развој на хронични болести“, објаснува нутриционистката Вал Ворнер. „Со редовно пиење мача, можеме да му помогнеме на телото подобро да се одбрани од овој процес“.
Антиоксидансите во мачата помагаат во неутрализирање на слободните радикали, кои можат да ги оштетат клетките и да го забрзаат стареењето. Иако и мачата и зелениот чај се добиени од растението Camellia sinensis, мачата има посилен антиоксидативен ефект бидејќи се консумира целиот лист. „Мачата е побогата со полифеноли, како што е EGCG, од зелениот чај“, објаснува нутриционистката Сима Шах.
Покрај EGCG, матчата содржи и други антиоксиданси, како што се рутин, кверцетин, хлорофил и каротеноиди. Сепак, нутриционистите забележуваат дека млечните протеини можат да се врзат за антиоксидансите во матчата и да го намалат нивниот ефект. Затоа незасладените млека од растително потекло, како што се бадемово, соино, кокосово или овесно, се препорачуваат за мача лате.
Го поддржува здравјето на цревата
Мачата содржи и пребиотски соединенија кои минуваат низ дигестивниот систем до цревата, каде што ги хранат корисните бактерии. Тие произведуваат бутират, антиинфламаторна супстанца важна за здравјето на цревната бариера и имунолошката функција. „Здравиот микробиом игра важна улога во варењето, имунитетот, па дури и во регулирањето на воспалителните процеси“, вели Ворнер.
L-теанин и кофеин за подобар фокус
Антиоксидансите и пребиотиците не се единствената причина зошто мачата е поврзана со здраво стареење. „Мачата го поддржува когнитивното здравје, расположението и меморијата“, вели Шах. Комбинацијата од кофеин и Л-теанин, аминокиселина што се наоѓа во мачата во релативно високи концентрации, е исто така одговорна за ова.
„Л-теанинот работи заедно со кофеинот за да обезбеди помирна, пофокусирана енергија, без тремата што некои луѓе ја чувствуваат по кафето“, додава Ворнер. Ова може да помогне во концентрацијата, менталната јасност и зачувувањето на когнитивната функција во староста.
Сепак, мачата не е за секого. „Лицата чувствителни на кофеин треба да ја избегнуваат или ограничат мачата бидејќи содржи повеќе кофеин од обичниот чај“, забележува нутриционистката Лиса Ендрус.
