Доколку може да им се поверува на информациите кои протекоа од „Foxconn“, „Apple“ навистина подготвува нов производ кој ќе биде претставен во текот на следната година. Станува збор за 12,9-инчниот „iPad Pro“, за кој често се говори. Сега пристигнаа неколку нови информации кои минатиот месец недостасуваа, а се поврзани со резолуцијата на екранот.
Па така овој уред би требало да доаѓа во две верзии со 2K и 4K резолуции. Екранот со 2K резолуција би имал густина од 228 ppi со најверојатно 2048×1536 пиксели, кој сега е под стандардниот „Apple“ ретина квалитет.
Но, помоќниот екран 4K би имал матрица од 4096×3072 пиксели, густина од 342 ppi, што е подобро од најновиот „iPad mini“ со ретина екран.
Послабиот 2К уред би можел да биде претставен веќе во текот на април, а подоцна во следната година би можело да се очекува и претставувањето на уредот со 4К екран.
