Грчката Влада нареди контрола на сметките на државните службеници, кои од 2009 година, па досега, на сметки во странство префрлиле суми поголеми од 100. 000 евра, објавија грчките медиуми.
– Времето во кое секој можеше да прави што сака без да дава отчет за своите постапки засекогаш заврши, изјави грчкиот министер за административна реформа Киријакос Мицотакис.
Контролата ќе ја спроведат инспекторатите на соодветните државни институции.
„Тројката“ меѓународни кредитори на Грција, меѓу останатото, бара и напредокот во борбата против даночните измами.
