Покрај веќе познатото откажување на новата генерација на моделот „XJ“, кое беше речиси завршено, имаше уште три проекти во развој.
„Jaguar“ пред неколку години одлучи целосно да премине на електрични возила, но таа транзиција сепак не донесе нови модели на пазарот. Во меѓувреме, беше откриено дека компанијата мораше да се откаже од дури четири автомобили за да направи место за новата стратегија.
Покрај веќе познатото откажување на новата генерација на моделот „XJ“, кое беше речиси завршено, имаше уште три проекти во развој.
Меѓу нив беше новата генерација на седанот „XF“, кој требаше да се натпреварува со модели како што се „BMW Series 5“, „Mercedes E-Class“ и „Audi A6“.
Беше планирана и втора генерација на теренецот „F-Pace“, но проектот беше запрен кога фокусот се префрли на електрична иднина.
Најинтересен меѓу откажаните модели беше новиот „F-Type“, спортски автомобил кој никогаш не стигна до производство.
Сето ова го потврдува поранешниот раководител на дизајнот во „Jaguar“, Иан Калум, кој наведува дека сите овие модели биле во развој, но проектите биле нагло прекинати за да може компанијата да започне одново со електрична стратегија.
„Jaguar“ сега ги става сите свои облози на иден електричен гранд турер, базиран на концептот „Type 00“, чија производствена верзија се очекува наскоро, додека првите клиенти треба да го добијат во 2027-ма година.
