Голем број од граѓаните на Словенија се жалат дека снабдувањето со гориво на бензинските пумпи е прекинато. На некои места снемало и масло за греење, дизел и бензин.
Еден таков пример е бензинот на Топлишка цеста во Ново Место. Слични проблеми имаат и во Мол, пишува словенечки Журнал24.
-Во неделата, доста читатели од различни делови на Словенија нè контактираа, жалејќи се дека не можеле да ги наполнат своите возила со гориво на бензинските пумпи, бидејќи на некои од станиците им снемало гориво, пишува порталот.
Веќе неколку дена, бројни корисници на Фејсбук се жалат дека не можат да дојдат до масло за греење. Бидејќи за вторник е најавено нагло зголемување на цените поради зголемувањето на цените на пазарот поради војната на Блискиот Исток, побарувачката очигледно значително ја надмина понудата. Некои дури шпекулираат дека словенечкиот Петрол го повлекол горивото од својата понуда бидејќи чека повисоки цени.
„Движењето на малопродажните цени на горивата во Словенија е поврзано со движењето на берзанските котации на меѓународните пазари и важечката регулаторна рамка, па затоа не можеме да шпекулираме за можни промени на цените во овој момент“, велат од Петрол.
-Контактиравме со Петрол и ги прашавме за конкретни причини за недостигот на гориво. „Во последните денови, се соочуваме со зголемена побарувачка за нафта за греење и други горива на поединечни продажни места. Во периоди на зголемена побарувачка, може да има привремено намалување на залихите на поединечни локации, што повремено може да влијае на моменталната достапност на поединечни енергетски производи“, одговорија од Петрол за Журнал24.
Тие додадоа дека Петрол гарантира сигурни извори на снабдување за снабдување на пазарот, при што залихите на продажните места постојано се надополнуваат врз основа на состојбата на поединечните локации и побарувачката на клиентите. „Во моментов не очекуваме никакви проблеми со снабдувањето“, изјавија тие, иако според граѓаните таму, тие веќе се случијле во текот на изминатиот викенд.
„Снабдувањето на продажните места е загарантирано, горивата се достапни за клиентите – дури и ако одредено гориво привремено е недостапно на поединечно продажно место, тоа е достапно на поблиските продажни места“, велат од Петрол за Журлнал24.
Мол, исто така, се соочува со слични проблеми. Мол, е вториот најголем снабдувач на нафтени производи во Словенија со мрежа на пумпи под брендовите Мол и Ина, ја зголемува понудата на своите бензински пумпи цела недела. Поради зголемената побарувачка, на некои бензински пумпи повремено им снемуваат одредени видови гориво за неколку часа, но компанијата се стреми прекините да бидат што е можно пократки, нагласуваат тие.
Како што изјавија од Мол Словенија за СТА, значително поголема побарувачка, дури и повеќекратни од просечната побарувачка, е забележана на бензинските пумпи минатиот викенд. Најголем притисок е врз граничните и транзитните бензински пумпи, додека зголемена побарувачка се забележува и на некои бензински пумпи во внатрешноста на Словенија. Логистичките капацитети се целосно исполнети веќе неколку дена, наведуваат од компанијата.
„И покрај ова, нашите напори се насочени кон тоа прекините на одредени видови гориво да бидат што е можно пократки“, додадоа тие.
