Извршниот директор на кинеската компанија „Huawei“ најави дека компанијата ќе се повлече од американскиот пазар. „Huawei“ е против обвинувањата дека и служи на кинеската влада и им продава на клиентите телекомуникациска опрема која е подготвена за „сајбер шпионажа“, вели нејзиниот извршен директор Рен Женгфреј.
„Ако „Huawei“ се покаже на пола пат меѓу односите на Кина и САД и тоа доведе до проблеми, едноставно не вреди. Затоа решивме да го напуштиме американскиот пазар“, вели Женгфеј.
Веста е потврдена и од потпретседателот на „Huawei“, Вилијам Пламер. Компанијата планира да се насочи на инвестиции во Европа и Африка, додава тој.
Раководството на „Huawei“ засега не ги прецизира конкретните планови за напуштање на пазарот во САД. Јасно е само дека нема да се прифаќаат нови нарачки и клиенти, а постојните договори ќе бидат исполнети до крај. Компанијата се уште не одлучила дали ќе се повлече целосно од американскиот пазар, или ќе престане да продава само телекомуникациска опрема и уреди за државни институции.
Според консултантската компанија „Rhodium Group“, „Huawei“ ќе остане во САД само со продавање на мобилни уреди на крајните корисници и лабораториите за истражување и развој.
