Ирански беспилотни летала ја нападнаа амбасадата на САД во Ријад, а американскиот претседател Доналд Трамп најави непосреден одговор на овој напад.
Нападот со беспилотни летала се случи во услови на континуирани ирански ракетни и беспилотни напади врз земјите од Персискиот Залив кои се домаќини на американски бази, откако Израел и Америка започнаа голем напад врз Иран во саботата.
Рано утрово се слушна силна експлозија и се видоа пламени во амбасадата на САД во Ријад, соопштија три извори на Ројтерс запознаени со ситуацијата, а едно лице рече дека пожарот бил мал.
#BREAKING: The US Embassy in Riyadh was struck by TWO Iranian drones.#IranWar #Iran #USIran pic.twitter.com/ejihUj4Rpt
— Swati Choudhary (@SwatiCho65814) March 3, 2026
Црн чад се издигна над дипломатскиот кварт во Ријад, каде што се наоѓаат странски дипломатски мисии.
Нема пријавени повредени, со оглед на тоа што зградата беше празна во раните утрински часови.
Трамп вети одмазда
Американскиот претседател Доналд Трамп изјави за NewsNation дека наскоро ќе се знае каков ќе биде одговорот на нападот врз амбасадата на САД во Ријад и смртта на американски воен персонал за време на конфликтот со Иран, објави новинарот на таа медиумска компанија на платформата X, повикувајќи се на интервју со него.
Амбасадата рано утрово издаде известување до американските граѓани во Ријад и Џеда, препорачувајќи им да избегнуваат посета на амбасадата до понатамошно известување поради нападот врз објектот.
