Најголемата унгарска банка „OTP“ во првите девет месеци од 2013 оствари 451,6 милиони евра нето добивка, која е за девет проценти поголема во однос на истиот период минатата година.
Портфолиото на хипотеките е во благ пад, консолидираното портфолио на мали и средни претпријатија е зголемено за еден процент, а обемот на депозитите на ниво на групацијата се зголемени за 5 проценти во споредба со претходната година.
„OTP“ групацијата и понатака останува во извонредна позиција на ликвидност со показател на адекватноста на капиталот од 20 проценти.
Во третиот квартал прилагодената нето добивка изнесувала 141,2 милиони евра, што е за 19 проценти помалку во споредба со истиот квартал во претходната година.
Падот делумно е поврзан со двојното зголемување на даноците за компаниите и зголемените трошоци за ризик.
