Трамп повторно негираше пријателски врски со Епштајн

Претседателот на САД, Доналд Трамп, негираше дека имал пријателски односи со сексуалниот престапник Џефри Епштајн, за кого рече дека се заговарал со авторот Мајкл Волф за да му наштети на угледот.

„Не само што не бев во пријателски односи со Џефри Епштајн, туку врз основа на информациите штотуку објавени од Министерството за правда, Епштајн и лажливиот „автор“ по име Мајкл Волф заговарале да ми наштетат мене и на мојот углед“, објави Трамп на мрежата „Truth Social“.

Трамп објави дека ќе тужи неколку лица од „радикалната левица“ и нагласи дека никогаш не стапнал на „островот на Епштајн“.

„Толку за надежта на радикалната левица, ќе тужам поединци. Освен тоа, за разлика од многу луѓе кои сакаат да „зборуваат“ глупости, јас никогаш не сум бил на тој остров на Епштајн, но речиси сите овие расипани демократи и нивните донатори биле“, додаде Трамп.