„Shell“ објави изненадувачки добар извештај за третиот квартал во контекст на закрепнувањето на трговијата со нафта и природен гас, дури и со пониски цени на енергијата.
Профитот на компанијата достигна 5,43 милијарди долари, што е намалување од 10%, но пазарните аналитичари предвидоа 4,74 милијарди долари. Според објавените податоци приходите достигнаа 12,2 милијарди долари.
Профитот во вториот квартал достигна 4,26 милијарди долари.
Агенцијата забележува дека цената на нафтата се намалила за 14% оваа година и по години вишок профит, нафтените компании мораа да ги преиспитаат и намалат своите трошоци. Некои од нив презедоа чекори за намалување на персоналот, а други, за ограничување на откупот на акции.
Финансискиот извештај на „Shell“, сепак, покажува дека плановите за наредните месеци вклучуваат откуп на акции од 3,5 милијарди долари, додека обврските се намалени на 41,2 милијарди долари од 43,2 милијарди долари на крајот на јуни.
Порано во октомври, „Shell“ и други нафтени компании објавија дека трговијата со нафта во третиот квартал се стабилизирала по превирањата во вториот квартал. Покрај тоа, компанијата го пушти во употреба својот нов терминал за течен природен гас во Канада, од кој веќе се транспортирани 13 танкери.
Се очекува објектот да работи со полн капацитет во 2026-та година.
