Виртуелната валута биткоин достигна, за прв пат од своето појавување, вредност од 1.000 долари.
Биткоинот од почетокот на годината забележа раст од 4.000 проценти, но не е јасно колку овој раст ќе трае и дали ќе биде одржлив. Многумина предвидуваат дека и овој „балон“ еден ден ќе пукне.
На почетокот на годината една унца злато вредеше околу 1.687,90 долари, а еден биткоин 13.30 долари.
Меѓутоа, поради успешната година на оваа виртуелна валута, односно поради брзиот раст на вредноста на биткоинот неодамна беа загрижени и економистите и Сенатот на САД. Аналитичарите предупредуваат дека воведувањето на биткоинот во реалниот сектор на економијата би било многу опасно.
Биткоин е виртуелна валута, која нема реално покритие. Овој термин се појави во 2008 година.
