Министерот за финансии на САД, Скот Бесант, изјави дека затворањето на владата на САД, кое траеше 43 дена, предизвика траен удар од 11 милијарди долари за американската економија.
Бесент изјави за NBC дека за време на затворањето на владата, делови од американската економија кои се чувствителни на каматните стапки, вклучително и домувањето, беа во рецесија, но дека не гледа дека целата економија е во ризик од негативен раст.
Тој рече дека за инфлацијата е виновна економијата на услугите, во која вредноста се генерира со обезбедување нематеријални услуги за поединци и компании, а не царинските давачки воведени од американскиот претседател Доналд Трамп во повеќето земји.
„Многу сум оптимист за 2026 година. Поставивме основа за многу силна, неинфлаторна економија на раст“, рече тој.
Бесент презентираше позитивни податоци за октомври, вклучувајќи пониски цени на енергијата и повисока продажба на домови, велејќи дека администрацијата работи напорно за намалување на инфлацијата и додаде дека администрацијата работи на намалување на цените каде што е можно.
На 13 ноември, Трамп потпиша закон со кој се стави крај на најдолгото затворање на владата во историјата на САД, кое започна на 1 октомври откако републиканците и демократите не можеа да се договорат за буџетскиот предлог.
