„BMW“ повеќе нема да нуди специјални „M Competition“ верзии на своите спортски модели. Наместо тоа, она што претходно беше резервирано за варијантите „Competition“ – дополнителна моќност, подобра реакција и „xDrive“, ќе стане стандардно кај сите идни „M“ автомобили.
Директорот на „M“ дивизијата на „BMW“, Франк ван Миле, објасни за „BMW Blog“ дека одлуката е логична бидејќи повеќе од 80 проценти од клиентите веќе ја избираат помоќната верзија „Competition“.
„Рековме – ајде да ја направиме стандардна. Може да се каже дека секој ‘М’ модел е ‘Competition’ овие денови“, рече директорот.
Ова ќе ја поедностави понудата на „BMW“ и во иднина ќе има само „M“, „CS“ и „CSL“ верзии.
Стандардните „M“ модели ќе добијат поголема моќност и опрема, додека „CS“ и „CSL“ ќе останат фокусирани на помала тежина и максимални перформанси на патеката.
Засега, „M3“, „M4 и „X5 M“ сè уште нудат пакет „Competition“, но поновите модели како „M2“ и претстојниот „M5“ повеќе го немаат. Се чини дека ерата на значката „Competition“ завршува, но не и ерата на „M“ перформансите.
