Во Струмица денеска се запленети 200 килограми свежа риба која се продавала спротивно на одредбите од Законот за безбедност на храната.
Акцијата на ветеринарните инспектори е спроведена по дојава од граѓанин, дека се продава свежа риба во несоодветни услови.
Агенцијата за храна и ветеринарство, информира дека станува збор за риба за која не постои никаков документ за следливост и која се продавала на место каде не се исполнети општите барања за безбедност на храната, ниту посебните хигиенски барања и условите за ставање во промет на храна од животинско потекло.
Рибата е одземена и уништена, а против сторителите ќе бидат изречени соодветни мерки.
