Индустриското производство во Полска во октомври пораснало за 4,4 проценти на годишно ниво, објави полската агенција за статистика.
Резултатот е во согласност со очекувањата на аналитичарите, пренесува словачката агенција „Сита“.
Во споредба со претходниот месец индустриското производство во Полска е зголемено за 0,2 проценти. Ослободено од сезонските влијанија, производството на полската индустрија е зголемено за 3,8 проценти во однос на октомври минатата година.
Полската агенција за статистика објави информации и од октомвриското движење на цените. Цените на полските производители на годишно ниво се намалени за 1,3 проценти. Аналитичарите предвидуваа дека нивниот пад ќе биде за 1,2 проценти.