Суд во Калифорнија одлучи јужнокорејската компанија „Самсунг Електроникс“ да му исплати на „Епл“ отштета од 290 милиони долари, поради „кражба на патенти“.
Овие 290 милиони долари се додаваат кон 600-те милиони долари отштета, на кои „Самсунг“ беше осуден од американското правосудство во март од истата причина.
„Самсунг“ поднесе жалба на судското решение донесено во март, а ќе поднесе жалба и на оваа пресуда.
Трет судски процес е закажан за март следната година по тужба на „Епл“, според кого, „Самсунг“ во најновите производи исто така копира технологии на „Епл“.