28 март, 2024
ПочетнаКОМПАНИИВо Хрватска цвета нов бизнис - извоз на стари мобилни

Во Хрватска цвета нов бизнис – извоз на стари мобилни

izvozmobilni

Најголемиот дистрибутер на мобилните телефони во Хрватска „Мобис’“ договори стратешка соработка со британската компанија „Corporate Mobile Recycling“ (ЦМР) благодарение на која е овозможен извоз на стари телефони преку Велика Британија и Танзанија и други африкански, но и латиноамерикански и азиски земји.

„Мобис“ претходно покрена сервис за рециклажа „Фоунбенк“, благодарение на кој ја извршува оваа работа.

Британскиот партнер има мрежа од девет европски земји и месечно откупува повеќе од 80 илјади дотраени мобилни телефони. Со тоа не само што се остварува заработувачка, туку се помага и во зачувувањето на животната средина.

Директорот на загребскиот сервисен центар „Мобис електроник“, Жељко Павлаковиќ, истакнува дека можноста за предавање на рециклање на мобилните телефони им ја нуделе исклучиво компаниите, а сега старите мобилни се откупуваат и од граѓаните.

– Приходот во тој сегмент се остварува исклучиво преку соработка со британскиот ЦМР и другите партнери за рециклирање, немаме субвенции од Фондот за заштита на животната средина и енергетската ефикасност, нагласи Павлаковиќ.

Во Хрватска во моментов граѓаните користат над шест милиони мобилни телефони, а годишно на рециклирање се испраќаат само неколку десетици илјади мобилни телефони. Преостанатите воглавно се препродаваат, завршуваат во отпад или граѓаните ги користат како резервни апарати.

НАЈНОВИ ВЕСТИ

ХОРОСКОП