Економијата на еврозоната веројатно ќе расте побавно овој квартал, предупреди претседателката на Европската централна банка (ЕЦБ), Кристин Лагард, цитирана од „Bloomberg“.
Таа рече дека и покрај неодамнешните договори со САД кои ја намалуваат неизвесноста, сè уште постојат прашалници околу глобалната трговија.
Во изјава во Женева, Лагард рече дека царината од 15 проценти што моментално се применува на повеќето европски стоки увезени во САД е малку над нивото што ЕЦБ го предвиде во јуни, но е „значително под најлошото сценарио“ што го наведе.
„Најновите трговски договори ги намалија тензиите, но сигурно не ја елиминираа глобалната неизвесност, која продолжува да постои поради непредвидливата политичка средина“, рече гувернерката на ЕЦБ.
Ова се првите коментари на Кристин Лагард откако Европската унија (ЕУ) склучи трговски договор со американскиот претседател Доналд Трамп. Се очекува Управниот совет на ЕЦБ да ја задржи депозитната стапка на 2% кога повторно ќе се состане во септември по летната пауза.
Повеќето централни банкари веруваат дека каматните стапки се на добро ниво, ниту ограничуваат, ниту поддржуваат економска активност. Сепак, некои сугерираат дека не треба да се исклучуваат понатамошни намалувања.
„Службениците на ЕЦБ ќе ги земат предвид импликациите од трговскиот договор меѓу ЕУ и САД за економијата на еврозоната во претстојните септемвриски прогнози, кои ќе ги водат нашите одлуки во наредните месеци“, рече Лагард.
Економијата на валутната унија неочекувано порасна за 0,1% во вториот квартал, покажувајќи отпорност во услови на трговија и геополитички тензии. Инфлацијата се движи околу целта на ЕЦБ од 2%.
„Економијата на еврозоната се покажа отпорна на почетокот на оваа година во услови на предизвикувачка глобална позадина“, рече претседателката на ЕЦБ.
, Кристин Лагард.){kind=link}