Од почетокот на годинава во Грција се уапсени повеќе од 2.200 лица поради неплатени долгови кон државата или други даночни кривични дела, соопшти министерот за јавен ред Никос Дендиас.
Како што јави дописникот на МИА од Атина, вкупниот износ што го должат 2.267 даночни обврзници уапсени од 1 јануари до 30 септември достигнал повеќе од 9,2 милијарди евра.
Оваа информација Дендиас ја соопшти како одговор на прашање од независниот пратеник Никос Николопулос, кој тврдеше дека апсењата се „само за правење шоу и имаат ограничено влијание во однос на приходите кои ги собира државата“.