Само неколку дена по лансирањето на најновиот систем за вештачка интелигенција Grok 4, неговите корисници открија дека можат да ја замолат својата AI пријателка Ана да дава сексуални коментари и да се соблече, објавија медиумите денес.
Откако Илон Маск и членовите на неговиот xAI тим го претставија Grok 4 на 10 јули, корисниците открија аргумент што може да ја оправда цената на месечната претплата за овој систем од 35 до 350 евра, имено AI пријатели кои, како Ани, можат да се соблечат, според BFM TV.
Ани била инспирирана од ликот на Миса Амане од јапонската аниме серија „Death Note“, која Маск многу ја сака. Може да разговара со корисниците и да изгради однос на доверба, а постојат неколку нивоа на тој однос, според француската телевизија.
Ани може, во зависност од текот на комуникацијата, да дава коментари со сексуална содржина, а на барање на корисникот, може и да се соблече. Сепак, таа никогаш не е целосно гола, па затоа ќе ја задржи проѕирната ноќница и долната облека.
Оваа функција на Grok 4 е достапна само за претплатници над 18 години. Во иднина се планирани повеќе пријатели со вештачка интелигенција, вклучувајќи и машки ликови.
Пријателите со вештачка интелигенција се сметаат за иднината на вештачката интелигенција, а во овој сектор, технолошките гиганти како OpenAI и Microsoft постигнуваат најголем развој со своите четботови, според BFM TV.
