„Samsung“ сериозно се подготвува да ја промени својата серија „Galaxy S“, и тоа со следната генерација.
Според информациите што доаѓаат од кинеската мрежа „Weibo“, добро познатиот извор „Instant Digital“ тврди дека „Galaxy S26 Plus“ ќе биде прекинат, а на негово место ќе дојде ултратенкиот „Galaxy S26 Edge“.
Овој потег би бил директно инспириран од одлуката на „Apple“ да го отстрани моделот „Plus“ од серијата „iPhone 17“ и да го претстави потенкиот и полесен „iPhone 17 Air“. Според распоредот, новата линија на „iPhone“ ќе биде: „iPhone 17“, „iPhone 17 Air“, „iPhone 17 Pro“ и „iPhone 17 Pro Max“.
„Samsung“ моментално ги нуди моделите „Galaxy S25“, „S25+“, „S25 Edge“ и „S25 Ultra“. Сепак, „Plus“ и „Edge“ делат речиси идентични спецификации: екран од 6,7 инчи, чип Snapdragon 8 и камера од 50 MP, додека главните разлики се сведуваат на дизајнот и материјалите.
Моделот „Edge“ станува главна ѕвезда поради тенкоста и дизајнот
„Samsung“ веќе го лансираше својот најтенкиот телефон досега – „Galaxy S25 Edge“, кој е дебел само 5,8 mm. За споредба, „Apple“ планира да го направи „iPhone 17 Air“ уште потенок – само 5,5 mm. Токму оваа трка во дизајнот и тежината сега станува клучна во премиум сегментот.
Поради преклопувањето помеѓу моделите „Plus“ и „Edge“, би изгледало логично „Samsung“ да ја поедностави линијата следната година. Се очекува серијата „Galaxy S26“ да има само три верзии: „S26“, „S26 Edge“ и „S26 Ultra“, без непотребно дуплирање на уреди кои имаат речиси исти карактеристики.
