Пред првите испораки на својот нов топ модел, „Porsche“ ја објави информацијата за подобрените перформанси на овој автомобил.
Според корегираните податоци, „918 Spyder“ од место до брзината од 96 km/h (0-60 милји на час) стигнува за 2.5s, што е за 0.2s подобро време во однос на претходниот резултат. Иако не е објавено колку време е потребно автомобилот да ја постигне брзината од 100 km/h се претпоставува дека во овој случај е направена промена (претходното време изнесуваше 2.8s).
Подобрувањето е значајно и кога се мери времето кое е потребно од мирување да достигне 200km/h. Новите резултати до кои дојде „Porsche“ покажуваат дека за постигнување на оваа брзина на моделот „918 Spyder“ му се доволни 7,2 s, што е за пола секунда помалку во однос на претходното време.
Најдобро подобрување е забележано при забрзувањето од 0-300 km/h. Претходните 22 секунди се скратени на 19,9 секунди.
„Porsche 918 Spyder“ е подобрен и кога станува збор при возењето во електричниот начин на овој хибриден модел. Ако се движи исклучиво на струја, на автомобилот за забрзување до „стотка“ доволни му се 6,2 s, што е за 0,7 s подобро, отколку во претходните мерења. Со изборниот пакет „Weissach“, времето се намалува на 6,1 s.
Потсетуваме дека „Porsche 918 Spyder“ е опремен со хибриден погонски систем кој се состои од 4.6 литарски V8 мотор со 608 ks (447 kW) и два електромотори. Електромоторите произведуваат 156 ks (115 kW) и 129 ks (95 kW), односно вкупно 285 „коња“, а максималната комбинирана снага на хибридниот погон изнесува 887 ks (652 kW).