Шпанската банка „Сантандер“, најголема во еврозоната по пазарна вредност, лани забележа пад на профитот, поради отпис на речиси 19 милијарди евра на име проблематични кредити и средства во секторот за недвижности во Шпанија.
Поради дадените трошоци, ланскиот нето профит е намален за околу 60 отсто, но затоа билансот на состојбата на банката сега е многу подобар, наведува „Сантандер“.
Групацијата одвои резерви за покритие на ризичните кредити во Шпанија во вредност од 12,7 милијарди евра, плус 6,1 милијарда поради изложеност на секторот на недвижнини во таа земја, вкупно 18,8 милијарди.
