Астрономите моментално следат објект што се движи кон Земјата и може да потекнува од друг ѕвезден систем.
Научниците открија нешто што би можело да биде само третиот познат меѓуѕвезден објект што поминува низ нашиот Сончев систем, објави синоќа Европската вселенска агенција (ЕСА).
Безопасниот објект моментално е во близина на Јупитер, на стотици милиони километри од Земјата, и се движи кон Марс, но според научниците, не би требало да се приближи повеќе од тоа до Сонцето.
Сè уште е прерано да се утврди дали објектот – моментално означен како A11pl3Z – е карпест астероид или ледена комета, како и неговата големина и облик.
Потребни се дополнителни тестови за да се потврди неговото потекло. НАСА објави дека внимателно ја следи ситуацијата.
Астрономот Жозеп Триго-Родригез од Институтот за астрофизика во близина на Барселона, Шпанија, верува дека станува збор за меѓуѕвезден објект врз основа на неговата необична траекторија и екстремна брзина додека се движи низ Сончевиот систем. Тој проценува дека е со големина од приближно 40 километри.
Првиот потврден меѓуѕвезден посетител беше во 2017 година. Именуван е Оумуамуа, што на хавајски значи „извидник“, во чест на опсерваторијата на Хаваи што го открила.
Првично беше класифициран како астероид, но подоцнежните карактеристики го класифицираа како комета, иако неговата издолжена форма сè уште ги збунува научниците.
Друг познат објект за кој беше потврдено дека пристигнал од друг ѕвезден систем беше 21/Борисов, откриен во 2019 година и речиси сигурно е комета.
