Позната по својата драматична локација, покрај карпите на кањонот на реката Гвадалорс, оваа патека привлекува туристи од целиот свет. Се наоѓа во близина на Малага и некогаш се сметаше за една од најопасните во светот. Денес, рутата е обновена, но иако сега е многу побезбедна, едно нешто не се променило – уникатното искуство на одење по патеките што се искачуваат над 100 метри на стрмна карпа.
Патеката Каминито дел Реј е спектакуларна од почеток до крај, минувајќи низ карпи, кањони и голема долина. Ја преминува областа Десфиладеро де лос Гаитанес, клисура издлабена од реката Гвадалорс, со ѕидови високи 700 метри.
Областа е населена и со разновидни растителни и животински видови, а со малку среќа, можете да видите планински птици како египетски мршојадци, белоглави мршојадци или белоглави орли, и цицачи како диви свињи и ибериски козорог.
Изграден е помеѓу водопадите Гаитанехо и Ел Чоро за транспорт на материјали и работници за одржување на локалната хидроцентрала. Во 1921 година, кралот Алфонсо XIII официјално го отворил ова инженерско дело, кое водело по пешачка патека до браната Конде де Гвадалхорс, и оттогаш е познато како „Кралската мала прошетка“ – Каминито дел Реј, пишува Spain info.
Патеката е линеарна и оди само во еден правец, надолу и од север кон југ, делумно по планински, а делумно по висечки патеки. Долга е 7,7 километри и потребни се околу четири часа пешачење, од почетокот во градот Ардалес до излезот во Алора.
Пред да се впуштат во авантура, на рецепцијата, која има ресторан и неколку паркинг места, персоналот им обезбедува на посетителите безбедносен шлем и проверува дали нивните чевли се соодветни. Од гледната точка на браната Гаитанехо, можете да ги видите пештерските населби Сиера Парда, кои некогаш биле дом на вработените кои работеле во хидроцентралата. Откако ќе стигнете до патеките, патеката продолжува низ клисурата Гаитанехо, кањонот познат како Тахо де лас Паломас и висечкиот мост, Пуенте дел Реј. Пејзажот постепено се менува како што се приближувате кон долината Хохо со нејзината лисната шума.
Потоа, патеката влегува во спектакуларната клисура Лос Гаитанес преку патеки што висат 100 метри над земјата. Неверојатни знаменитости во овој дел вклучуваат стогодишна смрека што расте меѓу карпите, „фосилна плажа“ со фосили од јура периодот и стаклен балкон што штрчи од патеката, за оние кои чувствуваат дека треба да ги поместат своите граници. Патеката продолжува на последниот дел, откако ќе ги вратите шлемовите на контролната кабина, има 2,1 километар пешачење со спуштање до железничката станица во Ел Чор.
