Објавите на Елон Маск на X мрежата повторно предизвикаа финансиски последици – и тоа драстични.
Според индексот на милијардери на Bloomberg, Маск изгуби неверојатни 34 милијарди долари лично богатство за само 24 часа, што е втората најголема дневна загуба откако индексот е воведен.
Интересно е што првиот најголем пад во историјата му припаѓа исто така нему – од ноември 2021 година.
Акциите на Tesla паднаа, вредноста на компанијата се урна
Рекордната загуба дојде откако акциите на Tesla паднаа за 14%, бришејќи повеќе од 150 милијарди долари од вредноста на компанијата – најголемиот еднодневен пад во историјата на берзата, според податоците на FactSet.
Маск сè уште неоспорен на врвот
И покрај овој пад, Илон Маск сè уште цврсто ја држи титулата најбогат човек на планетата, со богатство кое според најновите податоци (5 јуни) се проценува на околу 334 милијарди долари.
