Поради најавените трговски војни, Светската банка денес ја намали прогнозата за раст на глобалната економија на 2,3 проценти.
Наведувајќи „значително зголемување на трговските бариери“, но без да го спомене американскиот претседател Доналд Трамп, Светската банка предвиде дека американската економија ќе порасне за половина оваа година (1,4 проценти) отколку во 2024 година (2,8 проценти). Ова е пад во споредба од 2,3 проценти што СБ ги предвиде за 2025 година во јануари, објавува Бета.
Банката, исто така, ја намали својата прогноза за светскиот раст за 0,4 проценти. Сега очекува светската економија да порасне за само 2,3 проценти во 2025 година, што е значително намалување од 2,8 проценти во 2024 година.
Во воведот на извештајот за глобалните економски перспективи, Светската банка изјави дека глобалната економија ја пропуштила можноста за „меко слетување“ – забавување на инфлацијата без да предизвика сериозни проблеми – што се чинеше дека доаѓа пред само шест месеци.
„Светската економија денес повторно влегува во турбуленција“, се вели во соопштението, додавајќи дека без брза корекција на курсот, штетата врз животниот стандард би можела да биде голема.
Економските перспективи на Америка се замаглени од непредвидливите и агресивни трговски политики на Трамп, вклучувајќи дополнителни тарифи од десет проценти за увоз од речиси секоја земја во светот. Овие тарифи ги зголемуваат трошоците во Соединетите Американски Држави и предизвикуваат контрамерки од други земји.
Се предвидува дека кинеската економија ќе забави од пет проценти во 2024 година на 4,5 проценти оваа година и четири проценти во 2026 година. Втората најголема економија во светот е погодена од тарифите наметнати од Трамп, колапсот на пазарот на домување и стареењето на работната сила.
Светската банка очекува европските земји што го користат еврото да имаат скромен раст од само 0,7 проценти оваа година, што е намалување од 0,9 проценти во 2024 година. Се очекува тарифите на Трамп да му наштетат и на извозот на Европската Унија.
Се очекува Индија повторно да биде најбрзо растечката економија во светот, со раст од 6,3 проценти оваа година. Но, дури и тоа е помалку од 6,5 проценти во 2024 година и 6,7 проценти што банката ги предвиде за 2025 година во јануари.
Во Јапонија, се очекува економскиот раст да се забрза оваа година – но само од 0,2 проценти во 2024 година на 0,7 проценти оваа година, што е значително помалку од 1,2 проценти што Светската банка ги предвиде во јануари.
