Владина делегација предводена од заменик претседателот задолжен за економски прашања од денеска престојува во посета на Соединетите Американски Држави.
Во состав на делегацијата се и министерот за странски инвестиции без ресор Бил Павлески и директорот на Дирекцијата за технолошки индустриски развојни зони Виктор Мизо.
За време на посетата, како што соопшти Дирекцијата за технолошки индустриски развојни зони, делегацијата ќе одржи инвестициски презентации за можностите и поволностите за инвестирање во Република Македонија, пред членови на бизнис заедниците од градовите Кливленд, Индианаполис, Милвоки и Минеаполис.