Помина речиси една година откако „ Bentley“ последен пат го изгради својот W12 мотор, по повеќе од две децении производство на дванаесетцилиндрични автомобили.
Иако легендарниот погонски склоп помина во историјата, „Bentley“ верува дека неговиот наследник не е само достојна замена – туку и подобар избор.
Новиот „Bentayga Speed“ го заменува 6,0-литарскиот W12 со значително помал 4,0-литарски двоен турбо V8.
И покрај помалата зафатнина, новиот мотор произведува 650 ka, што е за 15 ks повеќе од W12. Вртежниот момент е малку помал – 850 Nm, што е за 50 Nm помалку од претходниот модел.
Иако не влегува во „клубот од 700 ks“ заедно со модели како што се „Aston Martin DBX S“, „Ferrari Purosangue“, „Lamborghini Urus SE“ и „Porsche Cayenne Turbo E-Hybrid“, „Bentayga Speed“ сè уште нуди импресивни перформанси.
Благодарение на помалата маса на моторот, вкупната тежина на возилото е 2.465 килограми, што е за 43 кг помалку од претходно.
Забрзувањето до 100 км/ч сега трае само 3,4 секунди, половина секунда побрзо од претходно. Максималната брзина е 310 км/ч, што е за 5 км/ч повеќе од верзијата W12.
Покрај подобрите перформанси, новиот модел носи и подобрено управување благодарение на системот за управување на задните тркала.
Карбонско-керамички сопирачки се нудат како опција, но само во комбинација со 23-инчни „Speed“ бандажи.
Спортскиот режим е дополнително подобрен – амортизерите сега се за 15% поцврсти, а воланот реагира побрзо.
Спортскиот издувен систем е стандарден, додека титаниумскиот издувен систем со четири цевки од „Akrapovič“ е опција за уште помоќен звук.
Промените во екстериерот вклучуваат затемнети светла и опционален црн покрив, додека во кабината се достапни нови детали од темен хром и освежени комбинации на бои и шевови на седиштата.
„Bentley“ вели дека „ништо не е изгубено“ без W12 моторот – неговото повлекување е резултат на построги еколошки прописи.
„Bentley“ останува последниот чистокрвен бензински модел на брендот, додека остатокот од гамата преминува на хибриден погон.
Следниот нов модел ќе биде целосно електричен „SUV“, помал од „Bentayga“.
