Комисијата за хартии од вредност на Република Македонија на 27-мата седница даде согласност Коста Костадиновски и Јован Дојчиновски да бидат именувани за извршни членови на Одборот на директори на Друштвото за управување со инвестициски фондови “Илирика Фунд Менаџмент” АД Скопје. Имено, во наредните две години, Коста Костадиновски ќе ја врши функцијата Главен извршен директор, а Јован Дојчиновски ќе биде извршен директор на “Илирика Фунд Менаџмент”АД Скопје. И двајцата и досега раководеа со друштвото, што значи се старо-нови директори.
Инаку,Друштвото за управување со инвестициски фондови “Илирика Фунд Менаџмент” АД Скопје управува со три отворени инвестициски фондови и тоа: Илирика Глобал Растечки Пазари, Илирика Југоисточна Европа и Илирика Кеш Фонд.
На седницата што се одржа денеска на 14 ноември 2013 година, Комисијата за хартии од вредност на Република Македонија даде одобрение на измените и дополнувањата на Статутот на Друштвото за управување со инвестициски фондови “Илирика Фунд Менаџмент ” АД Скопје.
