Најголемата германска банка „Дојче банк“ соопшти дека забележала дефицит во четвртиот лански квартал поради еднократните трошоци, што довело и до драстичен пад на вкупниот профит за минатата година.
Во соопштението на банката се наведува дека во периодот октомври-декември 2012 е евидентирана загуба од 2,167 милијарди евра, за разлика од профитот од 147 милиони евра во истиот квартал во 2011 година.
До загуба дошло поради отпис на побарувања во вредност од 1,9 милијарди евра и парнични трошоци од милијарда евра, наведува банката.
