По дигиталната транзиција на Европската Унија, Европската централна банка одлучи да го воведе дигиталното евро како нова форма на заедничка валута.
Од крајот на 2023 година, дигиталното евро е во фаза на развој и тестирање, што треба да биде завршено во текот на оваа година.
Доколку сите проверки одат според планот, ЕЦБ ќе донесе конечна одлука за лансирање на дигиталното евро на крајот од годината.
Потоа, одобренија треба да се дадат на Европскиот парламент и владите на сите земји-членки на еврозоната, а до крајот на 2028 година, првата верзија на дигиталното евро би била достапна за граѓаните.
Дигиталното евро има за цел да овозможи метод на електронско плаќање што би ги надополнил, но не би ги заменил, банкнотите и монетите во еврозоната. Во исто време, една од главните цели е да се намали зависноста од меѓународните системи за плаќање со картички како што се Visa, Mastercard, PyaPal и слични.
Накратко, дигиталното евро е дигитална пара на централната банка (CBDC) што би ги издавале европските институции, а не комерцијалните банки или приватните фирми како во случајот со криптовалутите.
