„PepsiCo“ објави приходи од продажба кои ги надминаа очекувањата на аналитичарите и прогнозираат бавен раст за 2025 година, бидејќи потрошувачите во Северна Америка се воздржуваат од купување грицки од производителот на „Cheetos“ и „Mountain Dew“, објави „Bloomberg“.
Приходите на компанијата за четвртиот фискален квартал се намалија за 0,2% на 27,8 милијарди долари, објави „PepsiCo“. Заработката по акција достигна 1,96 долари, што е над прогнозата од 1,94 долари. Компанијата очекува едноцифрен раст на органските приходи во 2025-та година.
Цената на акциите на компанијата падна за 2,3% пред почетокот на сесијата на берзата во Њујорк. Од почетокот на годината до крајот на тргувањето во понеделник, вредноста на акциите падна за 1,1%, додека индексот S&P 500 се зголеми за 1,9% во истиот период.
На клучниот северноамерикански пазар, обемот на продажба на брендовите „Frito-Lay“, „Quaker“ и пијалаци се намали. Продадените количини во Јужна Америка исто така се намалија, но другите меѓународни пазари забележаа раст. Компанијата, исто така, соопшти дека иницијативите за продуктивност ги подобриле маржите и заработката по акција во 2024-та година.
Потрошувачите кои насочуваат буџетот ги ограничуваат своите купувања на широк спектар на производи во супермаркетите. Производителите на храна, вклучувајќи ги „Conagra Brands“ и „General Mills“, ги привлекуваат потрошувачите со промоции кои биле успешни во зголемувањето на нивната продажба, но тоа влијае на маржите.
Компаниите за прехранбени производи, вклучувајќи ја и „PepsiCo“, бараат начини да ги зголемат тие маржи преку оперативна ефикасност.
