Министерот за дигитална трансформација на Северна Македонија, Стефан Андановски, денес во белград со Државниот секретар на Министерството за информации и телекомуникации, Славиша Антиќ, разговараше за подобрување на билатералната соработка во областа на дигитализацијата, развојот на електронската администрација и безбедноста на информациите.
Во соопштението за медиумите на надлежното министерство се наведува дека биле разгледани можностите за заедничко дејствување во рамките на регионалните и европските дигитални иницијативи, како и размена на искуства и добри практики во процесот на дигитална трансформација на јавната администрација.
„Секторот за информатичко-комуникациски технологии (ИКТ) со години е најбрзо растечката економска гранка во земјата“, рече Антиќ.
На средбата беше истакната важноста на размената на искуства во врска со подобрувањето и иновациите на регулаторната рамка во динамичните сектори, како што се информатичката технологија и вештачката интелигенција.
„Овој состанок претставува продолжување на интензивниот дијалог и партнерство меѓу Србија и Македонија со цел забрзување на технолошкиот напредок и подобрување на дигиталните услуги, со што ќе се придонесе за зајакнување на пријателските односи и економскиот развој на двете земји“, се вели во соопштението.
