Иако „Cayenne“ има репутација на „урбан теренец“, чии сопственици не се осмелуваат да го возат овој автомобил надвор од рамните, асфалтирани патишта, „Porsche“ и натаму се обидува да ги убеди во спротивното.
Со оглед на високата цена на автомобилот и навиките на најголемиот број на купувачи на моделот „Cayenne“, сте размислиле ли дека „Porsche“ нема да вложува премногу енергија да докаже дека ова возило е подеднакво способно да се избори со нерамните и стрмни терени, како и на тркачката патека. Погрешно!
Германскиот производител е горд на универзалните особини кои ги поседува нивниот „SUV“, па нормално е дека во секоја можност ќе се обидат да се пофалат со нив. Тоа го сторија во јуни, кога организираа караван во кој се наоѓаше група на возила „Cayenne S Diesel“, кој помина низ Карпатите.
Овојпат, „Porsche“ не одведе на тест-центарот во Силверстоун се со цел да ни ја открие двојната личност која се крие во моделот „Cayenne Turbo S“.
Иако „Cayenne Turbo S“ пред се е расен спортист кој е опремен со 4.8 литарски V8 мотор со 550 ks и максимален вртежен момент од 750 Nm, „Porsche“ во прв план ги истакнува неговите способности во совладување на тешките терени.
Така, на пример, овој автомобил е во состојба да совлада пречка која се наоѓа под агол од 45 степени и да се движи по терен чиј страничен наклон е 40 степени.