Компанијата сака сите во одреден момент да престанат да користат лозинки за најавување на услугите на компанијата.
Откако со години поддржуваше најавувања на Windows без лозинка, па дури и им дозволуваше на корисниците да ги бришат лозинките од своите сметки, „Microsoft“ сега го прави својот најголем чекор кон иднина без лозинки.
Сега од корисниците кои ќе се регистрираат за нови сметки ќе се бара стандардно да користат само побезбедни методи како што се пристапни клучеви(passkey), push известувања и безбедносни клучеви.
Новата иницијатива на „Microsoft“ без лозинка го следи неодамна лансираниот, оптимизиран дизајн на прозорецот за најавување со обновени чекори кои функционираат подобро за искуство без лозинка и со пристапни клучеви.
Иако тековните сметки нема да мора да се откажат од своите лозинки, новите ќе се обидат да се ослободат од нив така што воопшто нема да ве замолуваат да креирате лозинка.
„Како дел од ова поедноставено корисничко искуство, го менуваме стандардниот статус за новите сметки. Сосема новите сметки на Microsoft сега ќе бидат без лозинка по стандард. Новите корисници ќе имаат неколку опции за најавување на нивната сметка без лозинки и никогаш нема да мора да регистрираат лозинка. Постоечките корисници можат да одат во поставките на нивната сметка за да ја избришат својата лозинка“, се вели во соопштението на Microsoft.
