Руската компанија за нуклеарна енергија „Rosatom“ преговара за учество во развојот на нуклеарни реактори во Британија, вели потпретседателот на владата на Русија, Игор Шувалов.
Тој после состанокот на руско-британскиот комитет за соработка во трговијата и инвестициите, изјави дека „Rosatom“ постигнал значителен напредок во дијалогот со британските власти за учеството во изградбата на реактори на територијата на Велика Британија.
Потпретседателот на владата додаде дека британската страна е сигурна дека националноста на инвеститорите нема да биде разгледувана, пренесува агенцијата Итар тас.
Велика Британија се залага за политика со отворени врати за инвеститорите и тие реактори можат да бидат изградени во случај инвеститорот да докаже, пред се, безбедност на својата технологија и да биде конкурентен со цената на проектот, изјави Шувалов.
