Грција ќе добие 550 милиони евра од Европската инвестицона банка (ЕИБ) за финансирање на инфраструктурни проекти, јави радио Атина.
Договорот е потпишан во главниот град на Грција од претседателот на ЕИБ Вернер Хојер и грчката држава, претставена од министрите за финансии, инфраструктура, развој и внатрешни работи.
Средствата ќе бидат наменети за финансирање на автопати и регионални инфраструктурни проекти, а исто така, и за финансирање на мали и средни бизниси.
