Мотоциклот е инспириран од најновиот модел на „Lamborghini“.
Погодувате – тоа е „Revuelto“, кој послужи како модел за лансирањето на овој ексклузивен мотоцикл.
Накратко, „Ducati“ претстави мотоцикл кој најдобро претставува како би изгледало „Lamborghini“ на две тркала.
Како што сугерира името, „Ducati Panigale V4 Lamborghini“ е базиран на новиот модел „Panigale V4 S“. И да, победува некои спортски автомобили според цената.
Имено, додека „Panigale V4 S“ започнува од 34.790 евра, за верзијата „Lamborghini“ потребни се огромни 74.400 евра.
За утеха, верзијата „Tricolore Italia“ е уште поскапа и чини 85.000 евра.
Заслугата за високата цена е на новиот, уште поатрактивен оклоп. Изработен е од карбон, а има уникатен заден дел со ново седиште, како и алуминиумски тркала инспирирани од моделот „Revuelto“.
Титаниумскиот издувен систем „Akrapovič“ го комплетира пакетот.
Мотоциклот тежи 185 килограми, што е за 2,3 килограми помалку од основниот модел.
Сè уште зборуваме за 1,1 литарски мотор со 218,5 коњски сили и 122,1 Nm вртежен момент.
Конечно, уште еден детал – „Ducati“ ќе произведе 630 примероци од овој мотоцикл, но на сопствениците на „Lamborghini“ ќе им понуди и специјална верзија на „Panigale V4 Lamborghini Speciale Clienti“, која ќе чини над 92.000 евра.
