„BYD“ објави видео од својот нов електричен модел, Yangwang U7, кој може да се подигне за дел од секунда додека возите за да избегне пречки на патот, потоа паралелно да се паркира на место и многу повеќе.
„Yangwang U7“ е луксузна лимузина со должина од 5.265 mm, што значи дека овој модел од премиум брендот на „BYD“ може да се спореди со класата „S“ на „Mercedes“, барем кога станува збор за големината.
Сепак, овој моќен електричен автомобил надминува многу конкуренти кога станува збор за перформансите – доаѓа со импресивни 1.304 ks!
Неговата цел е да биде супериорна во однос на моделите како „Mercedes EQS“, а за тоа користи огромна LFP батерија со капацитет од 135,5 kWh, што му дава домет до 720 km според оптимистичките кинески мерења.
Автомобилот доаѓа со хидропневматска суспензија „Disus-Z“, која му дава голем број на фасцинантни способности:
– Може да плови на вода
– Може да ротира околу својата оска благодарение на четирите електрични мотори
– Може да го компензира превртувањето на каросеријата во свиоци – дури и да го навалите автомобилот во спротивна насока за да се спротивстави на центрифугалната сила
– Може да ја „тресе“ водата и нечистотијата од каросеријата со помош на системот за потпирање
Една од најимпресивните карактеристики е способноста да се одржува стабилност при преминување на нерамнини високи до 12 cm – автомобилот останува во хоризонтална патека, без тресење или нагли движења.
Цената на „Yangwang U7“ во Кина се движи помеѓу 628.000 и 708.000 јуани (79.000 – 89.000 евра).
