Според најновите податоци на „Counterpoint Research“, глобалниот пазар на преклопни телефони ќе забележи пад за прв пат во 2025-та година, откако растот во 2024-та година изнесуваше само 2,9%.
Главните причини за забавувањето на овој дел од пазарот на мобилни телефони вклучуваат:
– Послаба продажба на „Samsung“ во Q4 2024-та година (пад од 33% на годишно ниво)
– „OPPO“ го намали производството на поевтини модели (со пад од цели 72%)
Иако некои производители продолжуваат да забележуваат двоцифрен или троцифрен раст, на овој дел од пазарот генерално му недостасува импулс. Сепак, аналитичарите сметаат дека ова не е крајот на телефоните што се преклопуваат, туку само привремена корекција на пазарот.
„Apple“ како потенцијален „менувач на игри“
Нашироко се шпекулира дека „Apple“ ќе го лансира својот прв склоплив „iPhone“ во текот на 2026-та година, што би можело повторно да го разгори интересот на потрошувачите за уреди со екрани на преклопување.
Во оваа прилика, аналитичарите на случувањата на пазарот на мобилни уреди истакнуваат:
– Следната година ќе биде клучна година и влегувањето на „Apple“ може да го ревитализира пазарот, а помалите модели на преклопување може да станат уште попопуларни. Засега пазарот чека нов стимул, а „Apple“ би можел да биде тој што ќе го донесе.
