Италијанското индустриско производство во септември се зголеми по падот кој беше забележан во претходните два месеци, објавува италијанскиот институт за статистика ИСТАТ.
Производството во септември се зголеми за 0,2 проценти. ИСТАТ воедно ги ревидираше и податоците за август кои сега покажуваат пад на производството за 0,2 проценти, во однос на претходно прогнозираните 0,3 проценти.
Во третиот квартал, индустриското производство е намалено за 1,0 проценти, десети квартал по ред. Во периодот од април до јуни таа се намали за 0,9 проценти.
Третата во големина економија во еврозоната падна во рецесија во средината на 2011 година. Во вториот квартал активностите беа намалени за 0,3 проценти.
Податоците за третиот квартал ќе бидат објавени оваа недела, а се очекува дека ќе покажат продолжување на најдолгата италијанска рецесија.
