По првите фотографии на интернет се појавија и спецификации за новиот коросвер модел на „Porsche“ во веризиите за кинескиот пазар.
Според најновите податоци „Porsche Macan“ е долг 4.675 mm, неговата ширина изнесува 1.923 mm, а пак виснината 1.628 mm, додека меѓуосовинското растојание изнесува 2.807 mm. Должината и висината на возилото премногу не се разликуваат од димензиите кои од неодамна ги откри магазинот „Auto Motor und Sport“, но може да се препишат на спецификациите на моделот кој ќе се продава во Кина.
Кога станува збор за тежината на возилото, „Macan“ во својата најлесна варијанта ќе биде тежок 1.898 kg. На кинескиот пазар ќе биде достапен во три верзии: „S“, „S Diesel“ и „Turbo“.
„Porsche Macan S“ ќе има 3.0 литарски V6 мотор со 340 ks (250 kW) и 460 Nm максимален вртежен момент. Според фабричките податоци, тоа ќе биде доволно на автомобилот да му овозможи забрзување од 0 до100 km/h зa 5.5 секунди и да ја постигне максималната брзина од 254 km/h.
„Macan S Diesel“ под хаубата ќе има 3.0 литарски V6 дизел агрегат со 258 ks (190 kW) и 580 Nm. До „стотка“ од мирување ќе стигне за 6.2 секунди, а ќе развива максимални 226 km/h.
На врвот на гамата ќе се најде моделот „Turbo“ со 3.6 литарски V6 мотор кој ќе располага со 400 ks (294 kW) и 550 Nm максимален вртежен момент. Најмоќниот „Macan“ тежок скоро два тона, но и покрај тоа oд 0 дo 100 km/h ќе забрзува за 4.8 секунди, пред да ја достигне максималната брзина од 269 km/h.
