Кога размислуваме за здравјето на срцето, прво помислуваме на вежбање, откажување од пушење и урамнотежена исхрана. Но, се повеќе истражувања покажуваат дека постои уште еден, донекаде неочекуван фактор – времето кога одиме да спиеме.
Кога е најдобро време за спиење?
Студијата објавена во списанието European Heart Journal покажала дека луѓето кои редовно си легнуваат помеѓу 22 и 23 часот. имаат помал ризик од срцеви заболувања. Кардиологот д-р Николас Хендрен објаснува дека овој тајминг е најблиску до нашиот природен деноноќен ритам и ги овозможува препорачаните седум до осум часа сон.
Зошто сонот е важен за срцето?
Клучната врска помеѓу спиењето и здравјето на срцето лежи во стресот. Нарушениот ритам на спиење може да го зголеми нивото на хормонот на стрес, што со текот на времето го зголемува ризикот од висок крвен притисок, дијабетес, срцев удар и мозочен удар.
Спиењето пред полноќ, особено помеѓу 22 и 23 часот, обично вклучува подлабок сон, што е клучно за регенерација на телото. Од друга страна, најлошото време за легнување е околу полноќ бидејќи тогаш поголема е веројатноста да спиете пократко и да имате послаб квалитет на спиење.
Совети за поздрав сон и поздраво срце
-Спиете 7 до 8 часа секоја вечер
-Одете на спиење помеѓу 22 и 23 часот
-Одржувајте конзистентен распоред за спиење, дури и за викенди
-Ако имате проблеми со спиењето (на пример, несоница или апнеја), побарајте стручна помош.
