Британскиот производител на луксузни спортски автомобили „Aston Martin“ моментално ги спроведува последните тестови на новиот модел „Valhalla“ со 1.065 коњски сили.
„Aston Martin“ најавува и дека ќе произведе само 999 од овие возила, почнувајќи од вториот квартал оваа година.
Тестирањето се одвива на патиштата во Велика Британија и Шпанија, се вели во соопштението на производителот, пренесено од порталот „motor1.com“.
Автомобилот за време на тестирањето го возеше возачот на „Aston Martin“ и трикратниот победник на Ле Ман во 24 часа, Дарен Тарнер.
За време на тестовите, експертите беа ангажирани во последните прилагодувања на управувањето, активната аеродинамика и другите системи.
Новиот автомобил е plug-in хибрид и е придвижуван од 4.0-литарски V8 мотор со двојни турбополначи и 8-брзински менувач со двојна спојка (DCT) кој интегрира електричен мотор.
Максималната брзина на ова возило е ограничена на 350 километри на час, а забрзувањето од нула до 100 километри трае 2,5 секунди.
