По одредувањето на триесет девен притвор на 13 осомничени од страна на кочанскиот суд за големата трагедија која се случи во дискотеката во Кочани, обвинителството сега бара иста мерка и за поранешниот министр за економија Крешник Бектеши, директорот на Државниот пазарен инспекторат Горан Трајковски и Беким Максути поранешен директор на Дирекцијата за заштита и спасување.
Во несреќата починаа 59 млади животи а повредени се 200 лица.
„Основното јавно обвинителство Кочани во текот на ноќта донесе Наредба за спроведување на истражна постапка против 27 физички и три правни лица во врска со катастрофалниот пожар во Кочани“, велат од Јавното обвинителство на Македонија.
Според информациите со кои располагаме 30 дневен притвор е побаран и за поранешната државна секретарка Размена Чекиќ-Дуровиќ, како и раководителот Беким Хаџиу. Дополнително 30 дена во притвор ќе бидат и седум службени лица на од СВР Штип како и од ПСОН Кочани. Овие лица се товарат дека се одговорни односно се соизвршители фирмата коа раководела со дискотеката на смртта да добие документ или лиценца на незаконски начин и со тоа да може да ја обавува дејноста.
Синоќа пак, во полиција беа приведени последните три градоначалника на Кочани. Во полициска станица ноќта ја поминаа Љупчо Папазов кој е градоначалник во оставка и неговите двајца претходници Николчо Илиев и Ратко Димитровски.
