„Bugatti“ започна со испорака на хиперавтомобилите „W16 Mistral“ на клиентите – првите два автомобили веќе ја напуштија компанијата во Молсхајм.
Двата автомобили се уникатни, создадени по нарачка на индивидуален клиент. Едниот е црн со небесно сини акценти, а другиот е бел со сини и црвени детали. Внатрешноста на секој автомобил е исто така дизајнирана според желбите на клиентите и поради оваа причина салоните на двата автомобили се различни.
„W16 Mistral“ ќе се произведува во ограничено издание од 99 примероци. Овој модел го означува крајот на ерата на легендарниот осумлитарски W16 мотор со четири турбополначи, кој се користеше во иконите модели „Veyron“ и „Chiron“. Моторот, кој првпат се појави пред 20 години, ќе биде укинат во 2026-та година. Неговото место ќе го заземе 8,3-литарски V16 во новиот модел „Tourbillon“.
„W16 Mistral“ може да се гледа како верзија на „Chiron Roadster“ која никогаш не била масовно произведена. Моќта на погонската единица е 1600 коњски сили, а вртежниот момент е 1600 Nm. Погонот е на четири тркала.
Во 2023-та година, тркачкиот возач Енди Валас, победник на 24 часа Ле Ман, го забрза „W16 Mistral“ до 453,91 km/h на тест патеката во Папенбург, поставувајќи брзински рекорд за родстер. Цената на „W16 Mistral“ е 5 милиони евра, а сите 99 примероци се веќе распродадени.
